Komedia rreth shitjes së Kripores së Ulqinit vazhdon edhe më tutje. Edhe pse është e qartë se ajo nuk mund të shitet, të paktën jo në këtë formë, drejtori administrativ ka shpallur tenderin e ri.
Kësaj rradhe për Kriporen kërkohen të paktën 149 milionë euro. Ofertat mund të dorëzohen deri me datën 26 tetor 2015.
Në tender është shpallur komplet pasuria e Kripores, 14.5 milion metër katrorë, ndërtesat administrative, mekanizimi, komplekset energjetike etj.
Për momentin Kriporja ndodhet nën menaxhimin e ndërmarrjes publike “Parqet Kombëtare”, e cila e ka marrë atë me qira për një vit.
