DEKLARATË PËR SHTYP
Diten e shtunë, me datë 6 maj në orën 18:00 në Galerinë e Qendres Kulturore Ulqin do të bëhet promovimi i romanit “Secili çmendet simbas mënyrës së vet” i shkrimtarit, publicistit, dhe dramaturgut të njohur shqiptarë, Prof. Dr. Stefan Çapaliku.
Romani zhvillon ngjarjet përgjatë një periudhe gati njëzetvjeçare, në qytetin e Shkodrës . Dy gozhdët, që mbajnë të tërhequr litarin e ngjarjeve, janë ngulur në vitin 1967, kur Shqipërinë e shpallin shtet ateist dhe në vitin 1985, kur vdes ai që e shpalli.
Romani nisë turrin tregimtar ndërsa jashtë po shkatërroheshin institutet e religjionit dhe brenda po lindte një institut i ri besimi, që ishte televizori, media.
Autobiografik, romani është një dëshmi letrare e trupit, shpirtit dhe mendjes së qytetit, përgjatë një prej lëngatave të tij më të pashpresa.
Sipas autorit, ky nuk është as romani i heronjëve ndër thonjëza, e as romani i heronjëve me H të madhe…
Ju ftojmë në një promovim ku secili prej nesh do të mund të bëhet protagonist i një diskutimi të hapur rreth letërisë së sotme shqiptare, dhe jo vetëm.
iACT
