Kryetari i Komunës Fatmir Gjeka, priti sot në një takim këngëtaren e re Egzona Salaj, e cila me interpretimin e saj në Festivalin e Gjirokastrës, meritoi çmimin e këngëtares më të mire të këtij festivali.
Më pas u takua edhe me përfaqsuesit e shoqatave që na prezantuan në ngjarjen më të rëndësishme për folklorin shqiptar.
Në takim ishin prezent kryetari i SH.K.A “Tradita” z. Selatin Gjeloshaj, kryetarja e SH.A. “Ana Malit” znj. Luljeta Avdiu Cura, dhe kryetari i SH.K.A “Buzuku” z. Zef Lukiq.
Poashtu në takim morën pjesë edhe interpretuesit e folklorit të Krajës, Naxhie Popi dhe Fadil Velaj, të cilët në Gjirokastër morën çmimin për “ruajtjen dhe interpretimin e folklorit të Krajës”.
Këto tre shoqeri shkëlqyen në mesin e 80 shoqatave kulturore – artistike ,75 ansambleve popullore , 36 rapsodëve 34 orkestrave popullore dhe morën vlerësimet e jurise për ruajtjen e folklorit tek shqiptarët në Mal të Zi.
Kryetri Gjeka u shpreh se shoqëritë kulturore-artistike gjithmonë do të kenë përkrahjen e Komunës.