Kryeministri serb Aleksandër Vuçiq ka deklaruar sot se do të vizitojë Tiranën më datë 27 maj, duke thënë se vizita në kryeqytetin e Shqipërisë ka një rëndësi të madhe për të.
“Është me rëndësi që secili nga shtetet tona të kontribojë në paqen rajonale, me qëllim që të mos përballemi me ngjarje si ajo e Kumanovës”, deklaroi Vuçiq në një konferencë për mediat.
Vuçiq tha se ngjarje si ajo e Kumanovës duhet të parandalohen, pasi nuk i shërbejnë paqes në rajon.
Kryeministri serb aktualisht po zhvillon disa takime me liderë boshnjakë në Sarajevë.
Dy ditë pas vizitës së tij, me 29 maj, Gjykata e Arbitraritetit Sportiv në Lozanë do të japë verdiktin përfundimtar për ndeshjen Serbi-Shqipëri.
