Sot në Ulqin qëndroi për vizitë pune ambasadorja e Republikës Federale të Gjermanisë Gudrun Elisabeth Steinacker e shoqëruar nga eksperti i energjisë së rinovuar dr.Alfred Reich.
Ata u pritën nga Kryetari i Komunës z . Fatmir Gjeka dhe bashkëpuntorët e tij.
Fillimisht biseda u përqëndrua në potencialet e mëdha natyrore që ka Mali i Zi, dhe mundësitë e shfrytëzimit te tyre në prodhimin e energjisë. Për këtë u tha se qeveria po ndërmerr hapa konkret por këtu mund të kycen dhe qeverisjet vendore.
Ambasadorja Steinacker tha se ne jemi te interesuar që te jetësojmë një pilot projekt të energjisë solare për nevojat e Kripores nëpërmjet grantit të Bankës Gjermane, por komuna mund të konkurojë për projekte të ngjashme edhe në vende të tjera në territorit te saj
Projekti i Kripores do të kishte një kosto mbi 220 mijë euro. Ambasadorja edhe në takimin e sotëm foli për rëndësinë e Kripores, por edhe të resurseve të tjerë të mëdha që ka Ulqini e që duhet të shfrytëzohen konformë masterplanit e mos të devastohen.
Nga ana tjeter kryetari Gjeka shtoi se komuna është tejet e interesuar për cështjen e Kripores dhe insiston që të mos anashkalohet. Ai vecoi se Komuna e Ulqinit është e gatshme që të përgatisë për të gjitha klubet e partive politike në Parlamentin e Malit te Zi material të vecantë për atë se si e sheh komuna të ardhmen e Kripores.
Nje cështje tjetër që u prek në takim ishte cështja e Valdanosit, e cila sipas ambasadores paraqet rast unikal , andaj ajo i propozoi të pranishmëve që të drejtohen në UNESCO respektivisht në zyrës e saj në Paris që ky kompleks i vecantë në llojin e vet të vihet në mbrojtje të trashegimisë boterore , gjë e cila u përshendet njëzeri nga të pranishmit.
Pas kësaj Ambasadorja Steinacker dhe z. Reich, në shoqërinë e nënkryetares Zenepa Lika vizituan Kriporen për tu njoftuar në vend se ku do të instaloheshin panelet djellorë nëse arrihet mareveshtja për jetësimin e projektit gjerman .