Kryetari i Kuvendit Komunal Fuad Haxhibeti, i është përgjigjur kërkesës së Këshilllit të RTUL për ndihmë financiare për hapjen e TV Ulqinit dhe problemeve të tjera. Përgjigjen po e japim në terësi.
Radio Televizionit Ulqin RTU SH.P.K
Këshillit të RTUL
Përgjigje në shkresën Nr. 02-62/15 të datës 06.04.2015
Lidhur me shkresën tuaj me të cilën kerkon që KK të ju ndihmoi financiarisht për zgjidhjen e problemeve si ato për të ardhurat e punëtorëve, elaboratin për hapjen e RTUL dhe garancion financiar, ju njoftojmë si vijon:
Kuvendi Komunal Ulqin , me buxhet të miratuar për vitin 2015 nuk ka paraparë mjete për investime në themelimin dhe ndërtimin e Televizionit të Ulqinit.
Ne si themelues i juaj, kërkojmë nga Këshilli Drejtues që para se të ndërmarrë vendimin për investime kapitale, të bëjë elaboratin i cili në bazë shkencore dhe parametrave përkatës do të tregojë arsyetimin e këtij investimi, me qëllim që (shqyrtimit publik me qytetarë para sjedhjes në Kuvend ) këshillëtarët e Kuvendit Komunal gjatë debatit për rebalansin e Buxhetit për vitin 2015 të mund të vendosin në lidhje me këtë projekt.
Mjetet të cilat janë miratuar me Buxhet për vitin 2015 janë të dedikuara për pagat e punëtorve dhe anëtarve të Këshillit të RTUL-it dhe mirëmbajtjen e mjeteve themellore.
Kryetar i nderuar i Këshillit të RTUL-it, bazuar në dispozitat e ligjit për Buxhet dhe pergjegjesi fiskale (Fl.zyr.20/14 neni 3), jeni të obliguar të nderoni procedurat ligjore, dhe ju obligojë që me këtë shkresë të informoni dhe antarët e Këshillit Drejtues se kufizohet çdo financim për të cilin nuk ka mjete të parapara me buxhetin e vitit perkatës dhe pa përpilim të elaboratit .
Egziston mundësia që, në bazëtë elaboratit dhe parametrave tjerë të ketij projekti, të hartohet dhe të propozohet rebalansi i Buxhetit për këtë vit, megjithëse se situata ekonomike në Komunën e Ulqinit (ndërmarjet publike dhe private) nuke ashtë në niveli e duhur.
Me nderime,
Përpunues:
Shërbimi i Kuvendit Komunal Ulqin
KRYETAR
Mr.Fuad Haxhibeti