Haxhibeti: Duhet të hapen pika të reja kufitare me Shqipërinë

0

Organizata Turistike e Ulqinit ka angazhuar me mjetet e veta gjatë sezonit turistik 8 policë në pikën kufitare të Sukubinës, me qëllim lehtësimin e  kalimit për udhëtarët e shumtë. Drejtori i kësaj organizate Fuad Haxhibeti thotë se me Ministrinë e Punëve të Mbrendshme kanë gjetur gjuhën e përbashkët me qëllim që kalimi i njerëzve të jetë sa më i shpejtë.

Ai tha se megjithë përmirsimin e situatës, e vetmja mënyrë për tejkalimin e rradhëve të gjata është hapja e pikave ë reja kufitare, disa prej të cilave janë në diskutim e sipër. Para disa ditëve zyrtarët e Komuës së Ulqinit dhe përfaqsuesit e Ministrive të mbrendshme të Malit të Zi dhe Shqipërisë, janë takuar me qëllim kandidimin e projektit për hapjen e pikës kufitare Shën Kollë-Pulaj, pranë fondeve europiane. Gjithashtu , temë diskutimi janë edhe zgjerimi i pikës në Sukubinë , dhe hapja e kalimit Skje-Zogaj.