Gjeloshaj Cankës „Je shërbëtori i Fatmir Gjekës për dezinformata“

9

Në një deklaratë të tij në Facebook, deputeti i ASH-së Nikë Gjeloshaj, ka sulmuar ashpër kryetarin e komunës së Ulqinit Fatmir Gjekën dhe gazetarin Mustafa Cankën.

“Duke parë se FGJ e paska leshuar në gjahë shërbëtorin e tij për dezinformata MC, edhe disa fakte shtes:” – shkruan ne faqen e tij në facebook Gjeloshaj.

Reagimi i Gjeloshajt duket se ka ardhur nga një tekst në portalin e Cankës (Ul-info) ku aludohet se refuzimi i tij për të respektuar marrëveshjen nuk ka të bëjë me besën por me ruajtjen e karriges dhe privilegjeve. Në tekst poashtu thuhet se partia e Gjeloshaj i ka sjellur koalicionit vetëm 350 vota të marra në zgjedhjet parlamentare të vitit 2012, me të cilat ai është bërë deputet.

Më tej ai ka rradhitur një listë prej 11 pikash ku arsyeton vendimin e tij për mos lëshimin e postit të deputetit Këtë listë po e japim ashtu siç është në origjinal në facebook.

1.Në zgjedhjet Parlamentare të vitit 2012 Alternativa Shqiptare nuk ka qenë dakord për marrëveshje me LD, këtë e ka konfirmuar edhe vet Bardhi në nje emision në RTMZ. Ne nuk kemi dasht asnjë lloj marrëveshje me LD, për arsye se ai na kishte tradhtuar dhe nuk kishte respektuar asnjë pikë të marrëeshjës së 2009, atëherë kur e bëmë deputet edhe pse as vetë partia e tij nuk e donte. Kemi nënshkruar këtë marrëveshje vetëm pas takimit me Fatmir Gjekën…
2. Kemi qenë për marrëveshje me degët më të votuara të LD, atë të Malësisë dhe Plavë. Këto dy degë në zgjedhjet parlamentare nuk përkrahën koalicionin tonë, dhe doli ajo që ne kishim thënë dhe tradhëtia e Bardhit ndaj koalicionit.
3. Kur kjo marrëveshje u bë faktike dhe kryetaret e degëve të Malësisë dhe Plavës nuk ishin pjesë e listës zgjedhore, ASH u gjend në një pozit të vështir, u rreshtua prap pas Mehmet Bardhit, Mehmetin që as të vetet nuk e duan.
4. ASH në zgjedhjet e vitit 2012 u mbet i vetëm, pa asnjë përkrahje nga partneret, edhe ato që na takonin na i morën.
5. ASH edhe pse e befasuar, pranon vendimin e Gjekës për tu bërë pjesë e qeverisë, me artikulimin se do përmirësohet dhe do levizin gjërat, pas 10 muajsh pranuam edhe detyrën në ministrinë e arsimit.
6. Me datën 6 nëntor 2013 sipas marrëveshjës që sot të gjithë e dinë, z. Gjeka i përfundon mandati, por ne nuk bëmë cirk mediatik dhe nuk qahëshim, ishim të gatshëm ti lenim z. Gjekës pjesën e mandatit se nuk kerkojmë hokej përfaqësimi politik, por faktorizim të cështjeve, duke mos u ndërruar disa herë në një mandat.
7. Fatmir Gjeka zgjedhet Kryetar Komune, jep dorëheqje, Gjergj Camaj i takon posti i deputetit, por ai bënë atë që se ka bërë asnjë politikan deri më tani, i lëshon postin një më të riu.
8. Nik Gjeloshaj merrë detyren e deputetit, me shumë mëdyshje, por bindet me BESË .
9. Në fund nëse nuk vlen BESA e respektohet marrëveshja që ka ASH të shkruar e nënshkruar me PD, Nik Gjeloshaj duhet të jepte dorëheqje në korrik të 2015. Për atë këta zhurmaxhi, vec se e shtyjnë këtë datë. Dorëheqje për tu bërë Mehmet Bardhi deputet kurrë nuk do të jap, me këtë bëjë ndër veprat më të mëdha kombëtare.
10. Pjesa më e madhe e dijnë që Nik Gjeloshaj nuk është bërë deputet për rrogë dhe nuk e mban këtë pozit për rrogë, sic do bënte pretendenti tjeter, këtë do e dëshmoj në ditet në vazhdim.
11. Jezu Krishti thotë “Fali o Zot se nuk din cfarë bëjnë” unë i them atij që më ka prerë në Besë “Të fali, se nuk jam i sigurt se dinë cfarë bënë”. Edhe pse kam arsye, nuk mund të më ngel hatri, unë e mbaj besën dhe fjalën e dhënë, me Nikën nuk mund të luash. Në mes të Mehmetit dhe Niket (dhe BESES) zgjodhe Mehmetin, ta gëzofsh.
Nik Gjeloshaj

Ai ka paraqitur edhe një kopje të marrëveshjes në mes LD në MZ dhe ASH të nënshkruar në vitin 2009.

Pas kesaj deklarate të rëndë të drejtuar partnereve të deritashëm Fatmir Gjekës dhe Mehmet bardhit  dhe nese i bazohemi këtyre deklaratave, edhe bashkpunetorit të tyre për medija MC, bën të kuptohet se situata nëmes këtyre subjekteve acarohet edhe më tepër.

 

1479152_851334938243427_463308931328861652_nunnamed

9 KOMENTET

  1. Sa merrem vesht une ne Gjyeti, Gjeloshaj e paska thir Canken, Zagar i Gjekes!

  2. Mozete samo da lajete o Mustafi koji je vrijedan i nezavistan novinar. Crna Gora ima malo ovakvih novinara, a vi vidite lakve poslanike imate.

Comments are closed.