Deklaratat e Edi Ramës në një intervistë bashkë me Hashim Thaçit dhënë për Baton Haxhiun në Ulqin ka përfunduar në Këshillin e Sigurimit të Kombeve të Bashkuara. Ambasadori serb në OKB, Milan Milanoviq, i ka kërkuar kryetarit të këtij organi ta përcjellë atë si një dokument zyrtar për vendet anëtare. Pas letrës së ambasadorit serb në OKB që i drejtohet kryatarit të Këshillit të Sigurimit, kjo kërkesë pritet të shqyrtohet nga vendet anëtare.
Në të ambasadori Serb këkon të tërhiqet vëmendja për deklaratat e Ramës se Shqipëria dhe Kosova mund të bashkohen në një mënyrë klasike nëse BE nuk hap rrugën për integrimin e Kosovës dhe liberalizimin e vizave. Sipas diplomatit serb “deklarata është provokative dhe tej mase shqetësuese për mardhëniet në rajon, në veçanti mes Serbisë dhe Shqipërisë”. Ambasadori Serb i cilëson ato në letër “si kërcënin serioz për paqen rajonale”, “mosrrespektim të rrezolutës 1244” dhe “thirje për rishikim kufijsh ndërkombëtarë”.
“Vendi im i kërkon komunitetit ndërkombëtar të dënojë retorikën nacionaliste që minon procesin e pajtimit dhe progresin në rajon”, ka shkruar Milanoviq.
