Agjencia për parandalimin e Korrupsionit paraqiti një kërkesë në Gjykatën e Kundërvajtjes së Budvës, repartit për Ulqin, për nisjen e procedurës së kundërvajtëse kundër deputetit Dritan Abazoviq, i cili sipas raportit të ASK-së, shkeli Ligjin Kundër Korrupsionit sepse raportoi një shumë të pasaktë të depozitave në bankë.
Në llogarinë bankare të deputetit Abazoviq, Agjencia gjeti se Abazoviq raportoi një shumë të pasaktë depozitash në bankë, dmth. Më 31 dhjetor të vitit të kaluar, në llogarinë e tij kishte 20,000 euro më shumë para se sa deklaroi në Raport mbi të ardhurat dhe pronës për 2016, të cilat i ka dorëzuar Agjencisë. Në të vërtetë, Abazoviq i raportoi Agjencisë se ka 60,000 euro në banka, të cilat, sipas të dhënave të APK, janë shumë më pak se depozita aktuale.
Nëse udhëheqësi i Lëvizjes Qytetare URA raportoi 20,000 euro më pak, do të thotë se depozita në llogaritë e tij bankare eshte 80.000, thuhet ne Dnevne Novine.
Kryetari i LQ URA, Dritan Abazoviq, sot do të paraqesë një padi kundër drejtorit të Agjencisë për Parandalimin e Korrupsionit, Sreten Radonjiq, për keqpërdorimin e pozitës së tij, mësojmë nga “FOS Media”
“Ai është vetëm një spiker i rregullt i televizionit Pink M dhe unë jam një nga disa zyrtarë të cilët kanë nënshkruar që Agjencia mund të hyjë në çdo moment në llogaritë e mia bankare dhe Sreten Radonjiq nën komandën e Dushko Markoviq me të cilin është në marrëdhënie miqësore familjare, abuzon me pozicionin tim, kështu që për të procedurat e agjencisë dhe për të dhënat e mia personale mësoj neper dasma, dhe kafene. Çfarë tjetër duhet të presësh nga një njeri i cili për tre muaj nuk ka lëvizur për rastin “Ramada” që nuk angazhohet në punësimet partiake dhe merret vetëm me opozitën” shprehet Abazoviç. Padinë do ta drejtojnë agjencisë për mbrojtjen e të dhënave personale.
Kujtojmë që Abazoviq është drejtuar edhe Agjencisë për telekomunikim dhe prokurorisë kundër portalit Lajm.me kinse për ngritjen e panikut sepse ka përcjellë deklaratën e tij me rastin 13 korrikut, gjë që ka zgjuar revolt të komunitetit shqiptar të cilit edhe vetë i përket.
