Më 20 dhe 21 shkurt Unioni i Gazetarëve Shqiptarë , organizon takimin ,,Dita e miqësisë e gazetarëve shqiptarë Shkodër –Ulqin”
Takimi fillimisht do të nisë në qytetin e Shkodrës ku kryetarja e Bashkisë Voltana Ademi do të organizojë një pritje për Presidentin e vendit Z.Bujar Nishani dhe kryetarin e Ulqinit Z. Fatmir Gjeka .
Në orët e pasdites grupi i madh i gazetarëve do të vijnë në Ulqin. Këtu është paraparë një takim në sallën e Kuvendit, pritje tek kryetari Gjeka dhe vizitë kalasë dhe monumenteve të tjera kulturo historike të qytetit tonë. Unioni i Gazetarëve Shqiptarë ka për qëllim të përcojë vlerat më profesionale të njerëzve të medias në të gjitha trojet shqiptare.