Në kuader të Xhamisë, Forumi Rinor i Xhamisë së Klleznës vitin e dytë radhazi realizoj kampanjën me moton “Të festojmë së bashku”, ku kampanja u realizua ditën e martë nga aktivistët e Forumit Rinor. Kampanja është mbajtur në Ulqin dhe në Katërkollë.
Qëllimi i kampanjës së realizuar ishte që të japim disa mesazhe te bukura profetike në prag të festës së Kurban Bajramit. Me anë të këtij aktiviteti aktivistët dhe aktivistet e Forumit Rinor të Xhamisë së Klleznës, treguan dhe uruan qytetaret e pranishem dhe kalimtarët e rastit duke e ndarë së bashku gëzimin dhe festimin e kësaj feste madhështore përmes ndarjes së mesazheve hyjnore dhe dashurin qe ka Krijuesi jonë ndaj krijesës njeri. Njëherit duke përcjellur edhe vlerat islame si fe e paqes, tolerancës, dashurisë, e lumturisë.
Ky aktivitet mbase i thjeshtë por shumë kuptimplotë ngjalli interes jashtë zakonisht të madh tek qytetarët e Komunës së Ulqinit, shumë prej të cilëve e përgëzuan Forumin Rinor për këto ide kreative dhe mesazhe inkurajuse. Po ashtu njerëzit patën mundësin të shijojnë ëmbëlsirat e përgatitura veçmas nga aktivistet e Forumit Rinor të Xhamisë së Klleznës.
Gjithashtu pas kësaj aktivistet e Forumit Rinor vizituan Qendrën ditore për fëmijë dhe të rinj me pengesa dhe vështirësi në zhvillim “SIRENA” në Ulqin duke shpërndarë ëmbëlsirat dhe urur festën e Kurban Bajramit fëmijëve dhe ekipit të kësaj qendreje.
Xhamia e Klleznës
