Të jesh e bukur, madhështore me një prapavijë historike të lakmueshme, të jesh e ngritur si një lapidar mbi det do të thotë të jesh Venecia.
E veçantë për faktin se jeton me këmbë në tokë, por kurrë e forte, gjithmonë në lëkundje. E veçantë për numrin e madh të ishujve përrreth dhe ndërtesave me një arkitekturë të lavdishme, djep i kulturës, qytet i artistëve e burim frymëzimi, qytet i Kazanovës, ëndërr e të gjithëve.
Megjithatë, ekziston si mundësi që e gjithë kjo bukuri një ditë të fundoset. Shumë të holla janë derdhur në mbështetjen e projekteve të ndryshme, të cilat duke bashkuar studiues do mund të gjenin një zgjidhje se si ky qytet të mbijetojë. Si e mbrojtur nga Unesco-ja që në vitin 1987, Venecia ka fituar sasi të mëdha të hollash për investime të ndryshme në mënyrë që të dalë fitimtare në luftën e fundosjes.
Së fundmi, “Unesco-ja dha garancion për kredinë prej 500 milion dollarë për të shpëtuar Venecien që ngadalë po fundoset” – shkruan “Dnevne novine”.
Të jesh nën mbrojtjen e UNESCO-s do të thotë të bëhen investime, të jetosh, të jesh i sigurtë, të kesh të ardhme më të mirë. Kalaja e Ulqinit është shumë afër një fitoreje të tillë.
Të jesh e bukur, madhështorë me një prapavijë historike të lakmueshme, të jesh e ngritur si një lapidar mbi det do të thotë të jesh KALAJA E ULQINIT!