Ministria e bujqësisë dhe zhvillimit rural ka hapur thirrjen publike për vlerësimin e resurseve potenciale të Liqenit të Shasit dhe lumit Buna.
Nga ministria kanë njoftuar se qëllimi i kësaj thirrjeje publike është përpilimi i një studimi shkencor i cili do të tregojë metodat dhe masat që duhen marrë në shfrytëzimin e qëndrueshëm të rezervave të peshkut në këto dy zona.
Ky studim do të bëhet në kuadër të projektit “Zhvillimi i qëndrueshëm i ekosistemit detar dhe bregdetar në Komunën e Ulqinit” i cili financohet nga Norvegjia dhe Komuna e Ulqinit.
Fondet e parashikuara për këtë studim janë 10 mijë euro.
