Ne afërsi të hotelit Albatros në Ulqin dje është ngjyrosur muri me flamurin tre ngjyrësh. Kjo është publikuar ne faqen zyrtare të kishës ortodokse serbe të Ulqinit, “Pravoslavni Ulcinj”. Kjo është një nga aktivitetet që kohëve të fundit bëhen nëpër Mal të Zi që sipas gjitha gjasave është e drejtuar nga një grup njerëzish të lidhur ngushtë me kishën Serbe.
Mali i Zi është duke u përballuar me protesta fetare që kanë filluar si kundërshtim i ligjit për Liritë dhe drejtat fetare dhe kanë marrë përkrahje edhe nga partitë pro-serbe.
Aksioni i ngjyrosjeve të flamurit tre ngjyrësh që është flamuri i vjetër i Mali të Zi nuk ka të bëjnë me ligjin në fjalë por është qartë mesazh i mosrespektimit të flamurit zyrtar, që sqaron qëllimin e vërtetë të këtyre protestave.
