12 persona raportohet të kenë humbur jetën pasi një avion i Trans Asia, ra në një lumë pak minuta pas ngritjes në kryeqytetin e Tajvanit, Taipei.
Momenti i rënies është xhiruar nga disa kamera bordi të automjeve, që qarkullonin në ato momente, në autostradën buzë lumit. Autoritetet tajvaneze thanë se në bordin e avionit ndodheshin 58 pasagjerë.
Operacionet e shpëtimit vijojnë intensivisht dhe deri më tani janë shpëtuar 16 persona. Dyshohet se numri i viktimave është edhe më i madh.