Organizata turistike e Malit të Zi dhe organizatat turistike lokale po promovojnë në panairin e turizmit në Novi Sad ofertën turistike të vendit.
Ndër organizatat lokale ndodhet edhe ajo e Ulqinit e cila me pjesëmarrjen e saj të tretë synon që këtij tregu gjithnjë në rritje ti promovojë larminë e ofertave të veta turistike.
Ky panair ndërkombëtar është i orientuar më së shumti drejt promovimit të destinacioneve që ofrojnë turizëm shëndetsor, rural, e sidomos eko-turizmin si një degë gjithnjë e më atraktive për pushuesit.