Me rastin e njëvjetorit të qeverisjes, kryetari i komunës Fatmir Gjeka, mbajti një konferencë për shtyp si dhe një drekë për të ftuarit në restorantin “Montana”.
Duke ju drejtuar gazetarëve të pranishëm ai tha:
“Të nderuar qytetarë
Të nderuar anëtarë të ekzekutivit
Zonja dhe zotërinj,
Jemi tubuar sot këtu , për tju prezantuar në pika të shkurtëra bilancin e një vjetorit të punës tonë.
Jemi tubuar për të folur për sfidat dhe sukseset ,por dhe për punët që na presin.
Zgjedhja ime në postin e Kryetarit të komunës së Ulqinit,në këndvështrimin tim ka qenë një vlerësim i madh , por edhe një përgjegjësi po aq e madhe.
Gjatë punës time shumëvjecare në Komunë , besoj se kam grumbulluar njohuri dhe eksperiencën e nevojshme për tu përballur me sfidat .Nga kjo eksperiencë e dij që qytetarët janë gjykatësit më të drejtë të punës time, të kolegëve te mij dhe institucioneve dhe të japin gjithnjë vlerësimin që të takon.
Principet bazë të qeverisjes tonë të koalicionit ,,Bashkë për të ardhmen e Ulqinit ku bëjnë pjesë, Forca e re demokratike, Partia demokratike dhe kandidatët e pavarur te Lëvizjes qytetare, që nga fillimi kanë qenë transparenca, përgjegjsia,angazhimi dhe solidariteti me qytetarët.
Kam insistuar dhe kërkuar nga bashkëpunëtorët e mij që të gjithë sëbashku të veprojmë si një skuadër ku ekzekutivi ka pjesën e tij , Kuvendi po ashtu pjesën e tij dhe padyshim pjesën e tyre kanë qytetarët që na dhanë mundësi që ti shërbejmë.
Ata presin dhe ne jemi këtu për të mos i zhgënjyer pritshmëritë e tyre…” tha në mes tjerash Gjeka.
