Në Tiranë më datë 14.11.2014 u mbajt edicioni i I-rë “Novela grafike shqiptare”, e organizuar nga Ministria e Kulturës së Republikës së Shqipërisë. Ky aktivitet është i pari i këtij lloji në Shqipëri, i cili u zhvillua në formën e konkursit. Artistët paraqitën punimet e tyre në formë të novelave grafike duke vënë theksin tek ato me tematikë të trashëgimisë kulturore jomateriale: gojëdhëna dhe legjenda shqiptare .
Novela grafike me të cilën u paraqit krijuesi Agron Ujkashi trajton një prej legjendave anamalse që tregon një ngjarje të lidhur me Qytetin e Vjetër të Shasit, një prej vendbanimeve më të lashta të Ulqinit.
Juria ndërkombëtare e përbërë nga Toon Horsten , Igor Passel dhe Tome Trajkov e vlerësuan lart punimin e Ujkashit, ku i bënë ftesë për pjesëmarrje në festivale të ndryshme të këtij lloji. Novela me të cilën u paraqit artisti jonë u botua në katalogun promovues ,, Novela grafike shqiptare” të Ministrisë së Kulturës së Shqipërisë.
Punimi i autorit Agron Ujkashi ‘’Toka që s’e lshan arin” pritet që të botohet e plotë së shpejti.