Aktivistë të shoqërisë civilë i janë bashkuar sot një tubimi kundër marrëveshjes për Demarkacionin mes Kosovës dhe Malit të Zi. Aktivistët, të mbledhur para Ambasadës së Kosovë në Tiranë, janë shprehur kundër marrëveshjes Kosovë-Mal i Zi, që do të kalojë për miratim në 1 shtator në parlamentin e Kosovës, duke e cilësuar kështu nje tradhti kombëtare. Një aktiviste, gjatë fjalës së saj para të pranishmeve theksoi se shqiptarët nuk kanë troje për të falur, pasi ‘ne jemi shteti më i kafshuar i Ballkanit’. Nga ana tjetër ajo iu drejtua kryeministrit Edi Rama se duhet të lërë mënjanë përkthimin në serbisht të ‘Kurbanit’ të tij, por të shoh kurbanin që po i bëhet trojeve shqiptare.
