Një qytetar zviceran me origjinë nga Kosova dhe i cili jeton në Zurih të Zvicrës po kërkon djalin dhe vajzën e tij në Adana te Turqise, të cilët kanë 3 ditë pa informacione për vendndodhjen e tyre, raporton Anadolu Agency. Sipas informacioni të marrë Halit Ljodza, 47 vjeç, i cili jeton në Zurih të Zvicrës ka bërë një denoncim në polici pas mosardhjes në shtëpi më 19 dhjetor, të vajzës së tij 18 vjeçare Edita dhe djalit të tij 16 vjeçar Visar. Policia e Zyrihut, duke u përqendruar në mundësinë e pjesëmarrjes në ISIL të fëmijëve ka raportuar këtë rast në Organizatën Ndërkombëtare të Policisë (INTERPOL).
Babai Ljodza pas procedurave iu është drejtuar gazetarëve dhe me sytë e përlotur ai iu ka treguar mediave fotografitë e fëmijëve. Ljodza i cili punon si sanitar në një kompani në Zurih ka theksuar se fëmijët e tij asnjëherë më parë nuk janë larguar nga shtëpia.
Lojdza është shprehur se ka ardhur në qytetin Adana pasi sinjali celular ka treguar se fëmijët kanë vajtur nga Europa për në Stamboll me avion dhe më pas ata janë lokalizuar në Adana.
Ai me lot në sy kërkon “ndihmë” dhe shprehet se “jam këtu për 2 fëmijët e mi. Fëmijët që prej 2 vitesh shkonin në një xhami, ku kisha dëgjuar se ata që shkojnë në atë xhami ishin persona që merrnin pjesë në ISIL. Më parë kanë ardhur në Stamboll, nga këtu mund të kenë shkuar në Siri. Vajza 3-4 muaj më parë filloi të mbulohet me shami. Nuk di asgjë për ISIL, por fëmijët e mi mund të jenë përfshirë në ISIL”, përfundon ai.
