Reagimi i Këshillit Qendror të Forcës së Re Demokratike për rastin e Dr. Nail Dragës
Në mbledhjen e Këshillit Qëndror të Forcës së Re Demokratike e ftuar me rastin e fillimit të dënimit me heqje lirie të anëtarit të Këshillit Qëndrorë Dr. Nail Dragës, anëtarët e këtij organi unanimisht e kanë vlerësuar këtë akt si një situatë apsurde dhe dënim që i kalon të gjitha praktikat.
Këshilli Qëndror njëzëri ka shprehur shqetësimin e tyre për këtë rast duke i dhënë mbështetje pa rezervë për Dr. Dragën dhe familjen e tij në këto momente të vështira. Anëtarët e KQ janë plotësishtë të bindur se Z. Draga po vuan dënimin për shkak të gabimeve në procedurë gjatë ushtrimit të funksionit publik, e jo për shkak të keqpërdorimeve apo veprimeve të qëllimshme keq- dashëse, gabime që mund të ju ndodhin të gjithë atyre që ushtrojnë funksione publike.
Transparenca në punë dhe respektimi i ligjit mbetet obligim I secilit individ posaçërisht funksionerët e emëruar nga subjekti ynë-FORCA të cilët me përkushtim të rrallë i kryejnë obligimet ndaj detyrës që ushtrojnë.
Për ne është i pa kuptueshëm fakti i dënimit në formë të prerë të Z. Dragës me 6 muaj heqje lirije, për shkak të gabimeve procedurale kur çdo ditë informohemi për raste nga më të ndryshmet, të cilat kalojnë ende pa u ndëshkuar nga sistemi i drejtësisë.
Tani duhet të tregohemi të matur dhe të veprojmë me pjekuri duke i dhënë mbështetje familjes Draga dhe duke vepruar që ky dënim të rishikohet dhe mundësishtë vuajtja e denimit për z. Dragen të minimizohet në bazë të hapsirave që lejon ligji dhe gjithnjë duke shpresuar që raste të tilla të mos përseritën.
Këshilli Qëndror
Forca e Re Demokratike
